E pazakontë/ Meteori bie në krevatin gruas që po flinte, ja çfarë ndodh më pas (fotot)

Të hënën e kaluar më 4 tetor, shumë njerëz u mahnitën me pamjen e një topi zjarri që ndriçonte qiellin e natës, me imazhet e një meteori që lundronte mbi Liqenin Louise.

Por Ruth Hamilton, një banore e moshuar e zonës po bënte në gjumë të thellë.

Ose të paktën ishte, derisa u zgjua nga zhurma e një përplasjeje në tavan dhe ndjesia se gjëra po binin në fytyrën e saj.

“U ngrita e trembur dhe ndeza dritën, nuk mund ta kuptoja se çfarë kishte ndodhur,” tha Hamilton.

Ajo tha se hodhi një vështrim rreth e rrotull për të marrë jastëkun, kur vuri re një gur aspak i vogël që qëndronte pikërisht pranë jastëkun tjetër që po kërkonte, bash pranë vendit ku zakonisht qëndron koka e saj.

Teksa ngriti sytë lart, pa se tavani ishte çarë dhe dukeshin trarët. Hamilton thirri 911, e pasigurt se çfarë të bënte. Një oficer policie mbërriti në vendngjarje.

Ai konstatoi se guri nuk ishte atje si rezultat i ndërtimit që po bëhet në Kanionin e Kalit të Kicking.

Shpjegimi erdhi shpejt, një meteorit kishte depërtuar përmes çatisë së banesës së zonjës Ruth.

Ekspertët e thirrur pohuan se një dritë e ndritshme në qiell kishte shpërthyer dhe kishte shkaktuar disa copëzime të meteoritit dhe një prej tyre ra pikërisht në shtratin e Hamilton.

“Unë u trondita dhe u frikësova kur ndodhi, mendova se dikush kishte rënë nga çatia ose ishte shkrepur një armë. Ishte një lehtësim kur kuptuam se kishte rënë një meteor nga qielli”.

Hamilton thotë se ajo është plotësisht mirë dhe do ta mbajë gurin si kujtim për nipërit e mbesat duke pohuar se ishte “një yll që doli nga qielli, miliarda vjeçar”.

Ajo thotë se përvoja që përjetoi i ka dhënë një perspektivë të re për jetën. “E vetmja gjë tjetër që mund të them është se jeta është e çmuar dhe mund të zhduket në çdo moment edhe kur mendoni se jeni të sigurt në shtratin tuaj,” tha Hamilton.

Por tani ka lindur një problem me dëmtimin e banesës. Kompania e sigurimeve thotë se në asnjë pikë nuk parashikohet dëmtim nga meteorët ndaj siguracioni nuk e mbulon këtë dëm.